Marrozos son curiosidades V (Agosto 2016)

Ola recamaradas! En Marrozos temos 3 días de festa en verán que se corresponden cos días 15, 16, e 17 de Agosto. Aproveito que está rematando o citado mes para publicar unhas imaxes que resumen a festa deste ano, dende o meu punto de vista, e digo resumir porque contalo todo sería imposible debido o gran número de actividades que houbo nestas festas.

Veredes nesta entrada 3 galerías de fotos, unha por cada día, onde me centro principalmente en retratar as persoas, que para min é o único verdadeiramente importante que teñen as festas, a xente. O resto son excusas que nos inventamos, con maior ou menor acerto, para reunir esa xente.

Feita a introducción, só me queda desexarvos que miredes estas fotos ca maior calma que o voso tempo e a vosa “conexión” volo permita, bo proveito!

O día 1 serve como toma de contacto, elixes a posición na cantina que vas ocupar o resto dos días, segues a actuación de Pena Maior, acostumas o corpo a estar de festa, esas cousas…

O día 2 entran na liza os xogos populares, para adultos e cativos.

No día 3 os xogos populares dan paso aos xogos extremos, cando as forzas xa non son as do primeiro día de festa.

Estaría ben volver a vernos o ano que ven, mentres tanto toca estar orgulloso do que xa levamos bailado…

  • Texto e foto: Rubén Nieves Ramos (RuniRamos)

Alba de Gloria / Pico Sacro. 2016

Ola recamaradas! Rescato unhas imaxes dunha das últimas visitas que fixen ao emblemático Pico Sacro. Concretamente estiven nun acto de celebración do día da Patria Galega, que consiste na lectura pública do Alba de Gloria de Castelao dende o cumio do Pico.

A federación Galiza Cultura ven celebrando esta conmemoración dende o ano 2011, a través das asociacións “Vagalumes” da Estrada e O Galo de Santiago de Compostela, a día de hoxe este acto carece de recoñecemento oficial por parte da Xunta.

Agardo que vos gustase a reportaxe, o Pico Sacro será sempre fotoxénico.

  • Texto e foto: Rubén Nieves Ramos (RuniRamos)

Festigal 2016

Ola recamaradas! Deixo por aqui unhas fotos do meu paso polo Festigal, un festival que serve de escaparate para a cultura galega e que organiza cada ano Galiza Nova e a Fundación Galiza Sempre.

As imaxes corresponden os concertos de Poetarras e Kepa Kunkera & Sorginak, na noite previa o Día da Patria Galega, bo proveito!

Agardo que vos entretése un anaco, sempre é un pracer para min facer apoloxía da música!

  • Texto e foto: Rubén Nieves Ramos (RuniRamos)

Un día, 5 momentos sagrados.

Ola recamaradas! Hoxe publico unha pequena reportaxe que fixen sobre o mundo das tatuaxes, onde trato de facer un resumo da rutina e da vida dun estudio. Elixín para a ocasión os dous estudios que Sagrado Corazón Tattoo  ten en Compostela, tanto por proximidade como por afinidade.

Para contar a vida de Sagrado selecciono 5 momentos, ben é  certo que podía ter escollido algun máis, pero considero que a principal labor dun fotógrafo debe ser a de seleccionar, escoller, e sobretodo descartar. Especialmente na época onde semella que todo se valora máis pola cantidade que pola calidade.

A maioría das fotos que vexo, e vin, sobre estudios de tatuaxe son bastante semellantes, os tatuadores e as máquinas traballando, os tatuaxes recén feitos, os seus deseños, etc…; digamos que os estudios de tatuaxes son uns lugares onde un fotógrafo “goloso” podería fartarse a crear imaxes con potencia visual.  Eu tratei de escapar un pouco diso e ensinar a vida da tenda con normalidade, como calquer negocio que ten un horario de apertura, outro de peche, e unhas persoas que actúan con roles diferentes dentro do mesmo equipo.

Momento 1. A partires das 11:30 a tenda comeza a funcionar.

Nieves_Rubén_Ex07_tattoo_F01

“All day open”. Mike

Momento 2. Diego e Mike, novas tintas.

Nieves_Rubén_Ex07_tattoo_F02
“Colour”. Diego & Mike

Momento 3. As citas e os traballos.

Nieves_Rubén_Ex07_tattoo_F03
“Tattooing”. Dani

Momento 4. Pierre e as casas reais.

Nieves_Rubén_Ex07_tattoo_F04
“Walk-ins welcome”. Pierre

Momento 5. Final do día. The “dark artists” back home.

Nieves_Rubén_Ex07_tattoo_F05
“Dark artists”. Dani & Mike

Agardo que esta historia vos entretése un anaco, que a tinta sexa con vós.

  • Texto e foto: Rubén Nieves Ramos (RuniRamos)

Co Xesteiraso na retina II

Ola recamaradas! O pasado mes de xuño celebreouse a segunda edición do festival folk de Marrozos. Ao igual que fixen o ano pasado Co Xesteiraso na retina I, desta volta tamén estiven a quitar fotos polo Xesteiraso.

Alén dalgunhas imaxes xa publicadas no facebook, comparto aquí unha selección definitiva coas fotos que considero que mellor contan a festa.

 

O Xesteiraso Folk é un festival organizado polo grupo de baile Pena Maior de Marrozos, e que conta coa colaboración da Asociación de veciños e da Comisión de festas da mesma parroquia. A miña aportación redúcese a contar e deixar rexistro do que vexo neste evento, onde a música,  a tradición, e as persoas, son protagonistas. Vémonos pola terceira edición!

  • Texto e foto: Rubén Nieves Ramos (RuniRamos)

Pegadas (RuniRamos & Bombarda)

Ola recamaradas! Con “pegadas” describo e poño título a un dos proxectos realizados na escola Mestre Mateo. Neste exercicio fotográfico quero representar as 4 estacións do ano en Compostela, a través dunha mirada cenital cara as pegadas que deixamos o camiñar.

Para comezar o proxecto elixo a un negocio local de Compostela como fonte de inspiración, concretamente Bombarda Compostela. Unha pequena zapatería situada moi preto da nosa praza de Abastos, e que pasa por ser un dos negocios con máis estilo da Compostela “vella”.

Despois dunha pequena entrevista con Óscar, o seu propietario, saco varias conclusións moi importantes a hora de realizar as fotos. Principalmente decido que só vou a utilizar materiais e luces naturais, decido tamén que vou a realizar dúas imaxes estáticas e dúas dinámicas, e por último as cores que deben de representar cada estación.

Con este plantexamento que saco da urbe, e todo o material que me da o rural, efectúo as seguintes composicións:

O inverno estará representado pola pedra, a terra, e a neve. A pegada será dura, forte, e fría; a luz será tenue tirando o claroscuro.

Nieves_Rubén_Ex05_Inverno

 

A primavera será verde, en ocasións con auga e noutras seca. A pegada será delicada e con luz forte.

Nieves_Rubén_Ex05_Primavera

O verán será seco como a área e relucente como a pel da froita, de cor amarelo vivo e cunha luz que enche o encadre. A pegada será lixeira.

Nieves_Rubén_Ex05_Verán

O outono será marrón, como o son a terra, as follas secas, e a madeira. A luz será suave e volveremos a facer forza na pegada.

Nieves_Rubén_Ex05_Outono

Se vos gustaron as miñas pegadas é posible que tamén vos produza unha sensación agradable a visita por Bombarda. Bo proveito!

  • Texto e foto: Rubén Nieves Ramos (RuniRamos)

Caxade (Sala Karma)

Ola recamaradas! Sempre que teño oportunidade intento encher a miña recámara particular de música,  aproveitando que o pasado sábado tiven a sorte de estar na Sala Karma e ver a actuación de Caxade en vivo,  tratei de aproveitar a ocasión o mellor que puiden.

Presentaban o seu último traballo, que leva por título algo así como “E isto é o amor”, o mesmo que sinto eu cando se mesturan fotografía e música…, amor. Bo proveito!

Hai ocasións nesta vida que non se deben desaproveitar…

  • Texto e foto: Rubén Nieves Ramos (RuniRamos)

Maio, Marrozos, auga e baile.

Ola recamaradas! Antes de rematar o mes de Maio quería deixar por aquí algun apuntamento do que vin nas festas de Marrozos. Digamos que non foi un bo mes para facer festa, non tivemos sorte co tempo, máis a cuestión fotográfica non pode depender tanto da climatoloxía como si doutros factores. Se hai ganas de deixar un suceso rexistrado o mellor é quitar fotos, e pouquiño a pouco facer memoria.

Entre os motivos fotográficos a destacar: auga, persoas, e baile.

A relación de Marrozos coa festa continuará, e a seguinte parada será o II Xesteiraso Folk que está a volta da esquina, ficade atent@s.

  • Texto e foto: Rubén Nieves Ramos (RuniRamos)

Feira da Primavera

Ola recamaradas! Despois do noso querido e longo inverno case sempre chega o bo tempo, e tamén case sempre volven as festas. Aínda que todos sabemos ben que é máis seguro que volva o segundo que non o primeiro.

Condicións atmosféricas aparte, o barrio compostelán de San Pedro e o que marca a tendencia niso de celebrar a primavera, especialmente nos últimos anos. Comparto aquí algunhas imaxes que tomei na feira desta última fin de semana, bo proveito.

Todos os dereitos das imaxes están reservados, máis agradecese a difusión desta entrada.

  • Texto e foto: Rubén Nieves Ramos (RuniRamos)

Encontro de Coros e Pandereteiras

Ola recamaradas! Retomamos a actividade no blog para publicar unha galería de fotos do encontro de música tradicional que tivo lugar o Sábado 16 de Abril en Area Central (Compostela). Como fotógrafo teño a impresión de que vivimos nun tempo de auxe para a música tradicional galega, tanto é así que en ocasións penso en colgar a cámara e comezar ca pandeireta. Logo escoito o ben que tocan outr@s e xa se me pasa…; cadaquén debe de atopar o seu lugar.

Actuaban o Coro Castrosúa, a Asociación Xirandaina, e a Agrupacion Coser e Cantar. Voces que son cores, cores que son voces.

Para conseguir copias impresas ou ampliacións dixitais de maior calidade consultar en “runiramos@gmail.com”. Todos os dereitos das imaxes están reservados, máis agradecese a difusión desta entrada.

  • Texto e foto: Rubén Nieves Ramos (RuniRamos)

Fotografía en galego

Seguir

Recibe aviso de cada artigo novo no teu correo electrónico.

Únete aos outros 1.275 segidores

%d bloggers like this: